ضــــــــــــــــــــــــــــــــــاق صـــــــــــــــــــــــــدري

السلام عليكم

--------------------------------------------------------------------------------

ضاق صدري و رحت افضفض قاصد ٍ نفس الرصيف !
شفت نور الحي زايد و آنا خبري به ظلام

و الغريب انه خفوقي زاد نبضه .. مدري كيف !!
كني طفل ٍ .. يبكي .. خايف .. ضايع ٍ وسط الزحام

اثْرها كانت وراي .. و الضيا ما كان طيف
قبل ما اوقف و اسلّم .. قلبي المشتاق قام

ما طرى في بالي الا (يا بَخَت من لك وليف )
عينها بعيني .. و نظره .. رجعتني كم عام

فجأه شفت اشجار تخضر و هْيَ في عز الخريف
و هذا هو حال المفارِق يوم يطري له الغرام

يبتسم .. يشبه بشوقه .. للنظر شخص ٍ كفيف
الأمل ضايع .. ولكن .. الأماني مو حرام

الثواني تمر و تمضي .. اشهد ان الوقت سيف
فجأه قالت ( كيف حالك ) قبل ما ارمي السلام !

كنت احسْب اني قوي .. لين اكتشفت احساسي زيف
ما عرفت انطق بكلمه .. شاعر و خانه الكلام !!!

كيف اقول اني بخير و باين بقلبي النزيف ؟
و الملامح بان فيها عين ما عادت تنام

مرتبك .. واقف .. و ساكت .. انفض غبار الرصيف
بالعجل هزيت راسي ( يعني اخباري تمام )

و انسحبت بْلا تردد لني انسان ٍ ضعيف
و القوي لا شاف موته .. يوم يضعف ما يلام

لكم ارق التحايا
منقول

اشكرك اخوي امير وانت مو امير العشاق وبس الا امير الذوق وامير الكل

الموضوع أكثر من رائع وكلمات وعبارات أكثر وأكثر من رائع

تسلم يدك حبيبي على الموضوع الجميل

تقبل تحياتي

V.I.P عدد الرسائل : 117 تاريخ التسجيل : 07/04/2008

يسلمووووو
على الكلمات الاكثر
من الرائعه
ننتظر جديدك

السلام............

العفووووو عيونكم الحلوه........

انتظررررررررررررو جديدي...........